原來湊住兩個小朋友真係非常之忙，po相既時間都冇，文章分享都要而家先有時間完成🙈😝話說BB滿月嗰日，剛好哥哥唔使返學，所以就同老公一齊帶咗佢去迪士尼玩順便當係慶祝下細佬B大個仔兼我從獲自由既大日子😍由於冇帶細佬B去嘅關係,所以要諗定地方泵奶,上網一查原來迪士尼corner Cafe隔離係有一間育嬰室既，裡面仲有母乳餵哺室添，所以一去到迪士尼樂園我就直奔去搵啦！😝育嬰室門口都幾細下，一個唔覺意係會睇漏既😅我專登影返個門口俾大家睇方便大家下次而搵啲，就喺個轉角站往洗手間方向就會見到、隔雜係急救站❤️入到去育嬰室個感覺都係好夢幻既💕，環境優美燈光柔和加上播住音樂盒版本既迪士尼主題曲，成件事都幾Relax,設施除咗有最基本既換片房，家庭式洗手間，聽聞仲有茶水間可以餵BB食嘢（但我已冇時間去8掛🙈）同職員講低想泵奶，佢哋就會幫你安排房間（一共有兩間房，每間可以容納兩位媽媽），好彩今胎買咗優合泵奶機黎做我既好拍檔，雖然係強國出品但原來都有分大陸版同香港版，之前見以多媽媽介紹話又平又好用,而且小巧輕便，充電式方便出街用所以決定買佢，就係咁,喺咁舒適既環境之下加上我同我既拍檔先可以咁輕鬆完成咗今次既任務😆貼心既育嬰室仲提供代客雪藏母乳嘅服務，限時前去拎返就得啦！不過我比較大頭蝦所以一早準備咗冰袋去💕各位媽媽們下次有幾會入園都可以去體驗一下呢！
Search